Muhtasari wa Wavu wa Starlink

Katika baadhi ya nyumba, ruta moja ya WiFi huenda isitoe huduma ya kutosha ya pasiwaya, na hivyo kusababisha utendaji duni katika maeneo fulani.

Ruta ya wavu ni kifaa rahisi cha ziada kinachofanya kazi na ruta yako kuu ya Starlink ili kueneza mawimbi ya WiFi katika maeneo zaidi ndani ya nyumba yako. Inafanya kazi kama kisaidizi cha kujaza maeneo dhaifu yaliyo karibu na kupanua masafa ya mtandao wako.

Starlink inasaidia kuunda mtandao wa wavu na ruta zetu za wavu zinazotumika: Ruta ya Gen 3, Ruta ya Gen 2 na Ruta Mini. Hizi zinaweza kuunganishwa pamoja ili kupanua WiFi yako.

Ili kununua Wavu wa Starlink kwa ajili ya mtandao wako wa nyumbani, ingia kwenye akaunti yako na utembelee duka la Starlink.

Kujumuisha Wavu wa Starlink

Ili kuzijumuisha nyumbani kwako, weka ruta za wavu za Starlink kati ya ruta yako kuu na maeneo yaliyo na mawimbi dhaifu. Kwa utendaji bora, weka ruta za Wavu wa Starlink umbali wa vyumba 1–2 kutoka kwenye ruta kuu.

Hatupendekezi kutumia zaidi ya ruta tatu za Wavu wa Starlink.

Kwa nyumba kubwa, kutia waya ruta za Starlink kunaweza kuboresha zaidi upana na utendaji wa WiFi.

Miunganisho yenye waya huondoa ukatizaji kutokana na kuta au fanicha unaotokea kunapokuwa hakuna waya, na hivyo kutoa muunganisho thabiti na wa kasi. Unaweza kupitisha kebo za ethaneti kutoka kwenye ruta kuu ili kuunganisha ruta au nodi zaidi za wavu moja kwa moja. Usanidi huu hasa ni muhimu katika nyumba zenye ukubwa wa zaidi ya futi 6,000 za mraba, ambapo wavu usio wa waya pekee huenda usitoshe.

Maelezo Muhimu:

• Ruta za wavu wa Starlink zinaweza kununuliwa ili kuchukua nafasi ya ruta iliyoharibika ya aina sawa.
• Ruta ya Gen 1 haitumiki kwenye wavu.

Ruta ya Gen 3 - Mwongozo wa Usanidi

Vipimo

• Viwango vya IEEE 802.11a/b/g/n/ac/ax
• Bendi tatu 2.4GHz na 5GHz
• 4x4, MU-MIMO, OFDMA
• Usalama wa WPA2
• Halijoto ya Uendeshaji: -22°F hadi +122°F (-30°C hadi +50°C)
• Ukadiriaji wa IP56 (inakinza maji), imeundwa kwa matumizi ya ndani

Upatanifu

• Inapatana na ruta zote za Starlink isipokuwa Gen 1 (inafanya kazi na Ruta Mini, Starlink Mini, Ruta ya Gen 3, Ruta ya Gen 2)
• Kwa muunganisho kwenye Starlink Mini na ili kudumisha ukadiriaji wa kukinza maji wa IP kwenye sahani yako, tumia Kebo ya Mita 15 ya Standard Starlink inayopatikana kwenye https://starlink.com/shop.
• Ruta ya Gen 3 haiwezi kuchukua nafasi ya Ruta kuu ya Gen 2 iliyounganishwa kwenye Starlink yako, kwa kuwa ruta hiyo pia hutia umeme kwenye sahani. Unaweza kutumia Ruta ya Gen 3 kuchukua nafasi ya nodi ya wavu ya Gen 2.

---

Ruta Mini - Mwongozo wa Usanidi

Vipimo:

• IEEE 802.11a/b/g/n/ac/ax
• Bendi mbili 2.4GHz na 5GHz
• 2x2 2.4 GHz, 2x3 5 GHz MU-MIMO
• Usalama wa WPA2
• Halijoto ya Uendeshaji: -22°F hadi +122°F (-30°C hadi +50°C)
• Imeundwa kwa matumizi ya ndani

Upatanifu:

• Inapatana na ruta zote za Starlink isipokuwa Gen 1 (inafanya kazi na Starlink Mini, Ruta ya Gen 3, Ruta ya Gen 2)
• Kwa muunganisho kwenye Starlink Mini yako na ili kudumisha ukadiriaji wa kukinza maji wa IP kwenye sahani yako, tumia Kebo ya Ethaneti ya Mini Starlink inayopatikana kwenye https://starlink.com/shop.

---

Ruta ya Gen 2 - Mwongozo wa Usanidi

Vipimo

• Viwango vya IEEE 802.11a/b/g/n/ac
• Bendi mbili 2.4GHz na 5GHz
• 3x3 MIMO
• Usalama wa WPA2
• Halijoto ya Uendeshaji: -22°F hadi +122°F (-30°C hadi +50°C)
• Ukadiriaji wa IP54 (inakinza maji), imeundwa kwa matumizi ya ndani

Upatanifu

• Ruta ya WiFi ya Wavu wa Starlink haiwezi kutumiwa kutengeneza mtandao wa wavu na Gen 1 au modemu, ruta au nodi za wavu za mhusika mwingine.
• Ruta ya WiFi ya Wavu wa Starlink inaingiana na ruta ya Gen 2 na Gen 3.
• Unaweza kutumia adapta ya ethaneti ya Starlink kuunganisha vifaa vingine kwenye ruta ya WiFi ya wavu wa Starlink. Ikiwa Gen 2 ni ruta kuu na Gen 3 ni nodi ya wavu, unaweza kuunda mtandao wa wavu wenye waya kwa kuunganisha adapta ya ethaneti ya Starlink kwenye Gen 2 kwenye tundu la WAN upande wa kushoto wa ruta ya Gen 3 kwa kutumia kebo ya ethaneti.

Pata taarifa za barua pepe za Starlink hapa.