Kung nakatanggap ka ng email o text na hinihiling ang Starlink account email mo, numero ng telepono, password, o mga detalye ng pagbabayad, malamang hindi ito galing sa Starlink. Narito ang ilang tip para makatulong na makilala ang mga mensahe ng phishing at iba pang scam para mapanatiling secure ang account mo.

Paano malalaman kung ang galing sa Starlink ang isang mensahe

Ang mga tunay na email ay manggagaling sa "@starlink.com" na email domain nang walang anumang variation. Kung ang email address ng nagpadala ay hindi galing sa "@starlink.com", isa itong scam.

Hindi namin kailanman hihilingin sa iyo na ibahagi ang personal na impormasyon mo sa pamamagitan ng text o email, o sa telepono. Sa opisyal na website ng starlink.com o opisyal na iOS at Android application dapat ilagay ang impormasyon na kinakailangan para sa Starlink account mo. Kasama dito ang:

• Mga numero ng credit o debit card. Hindi kailanman hihilingin ng Starlink ang 4 na digit na PIN number ng debit card mo.
• Mga detalye ng bank account.
• Impormasyon ng pag-login sa Starlink.
• Numero ng Social Security o sensitibong personal na impormasyon.
• Hindi kami kailanman hihingi ng bayad sa pamamagitan ng 3rd party vendor o website.

Kung nagli-link ang text o emaol sa isang URL na hindi mo kilala, huwag i-click ito. Kung na-click mo na, huwag maglagay ng anumang impormasyon sa bumukas na website.

Para i-verify ang pagiging totoo ng email o text, puwede kang mag-log in nang direkta sa account mo sa starlink.com/account o makipag-ugnayan sa amin.

Ano ang dapat kong gawin kung makatanggap ako ng kahina-hinalang email o text?

Huwag mag-click sa anumang link o tumugon sa anumang mensahe. I-delete ang email o text at i-block ang nagpadala.

 Para i-verify ang pagiging totoo ng email o text, puwede kang mag-log in nang direkta sa account mo sa starlink.com/account o makipag-ugnayan sa amin.

Paano kung na-click ko na ang link o nakapagbahagi na ako ng personal na impormasyon?

• I-delete ang email o text at i-block ang nagpadala.
• I-update ang password ng Starlink mo sa bago at huwag muling gamitin ang parehong email at password na kumbinasyon para sa anumang iba pang serbisyo. 
• Makipag-ugnayan sa financial institution mo kung naglagay ka ng anumang impormasyon sa pagbabayad. Posibleng nakompromiso ito.

Ano ang pinakamagandang paraan para mapanatiling ligtas ang impormasyon ko?

• Huwag magtiwala sa sinumang sumusubok na magbenta sa iyo ng prepaid na Starlink bundle sa telepono. Hindi nagbebenta ang Starlink ng mga prepaid na multi-month service plan sa telepono o sa pamamagitan ng mga external website.
• Huwag i-click ang mga link sa email. Sa halip, direktang pumunta sa opisyal na website ng starlink.com.
• Huwag magpadala ng personal o financial information sa pamamagitan ng email o text.
• Siyasatin ang address ng nagpadala at i-verify kung galing ito sa email address na "@starlink.com".